गिरिधर लाल बनो है रसिया,
आयो, होरी को दिन आज,
आयो होरी को दिन आज |
होरी को दिन आज, आयो होरी को दिन आज |

Holi Ke Rasiya – Pujya Shri Indresh Upadhyay Ji – Holi Bhajan 2026 ‪

मैया यशोदा बांधे,
फेंटा लाल के श्री मुख ऊपर,
नैनन में कजरा सोहे विशाल,
चन्दन की पत्तावली सुहाल,
फेंट में बांधे लाल गुलाल,
हो ब्रजवासी सब या छवि ऊपर, बार बार बलि जाय,
हाँ… ब्रजवासी सब या छवि ऊपर, बार बार बलि जाय,
गिरिधर, हो गिरिधर…
गिरिधर लाल बनो है रसिया,
आयो, होरी को दिन आज,
आयो होरी को दिन आज |

नंद गाम ते लाला पहुंचे जब बरसाना गाम,
कि हल्ला करन लगे सब ग्वाल,
कि लाला आयो तुम्हारे द्वार,
होली में होएगी दो दो चार,
लट्ठ हाथ ले, घूंघट मुख दे निकसी सब ब्रज नारि,
हाँ , लट्ठ हाथ ले, घूंघट मुख दे निकसी सब ब्रज नारि,
गिरिधर, हो गिरिधर…
गिरिधर लाल बनो है रसिया,
आयो, होरी को दिन आज,
आयो होरी को दिन आज |

हाँ होरी होरी होरी, हूँ होरी होरी
हाँ होरी होरी, हूँ होरी होरी |
हाँ होरी होरी होरी, हूँ होरी होरी
हाँ होरी होरी, हूँ होरी होरी |

होरी खेले तो,
होरी खेले तो, आ जइयो बरसाने रसिया,
हूँ होरी होरी होरी, हाँ होरी होरी |
हाँ होरी होरी होरी, हूँ होरी होरी |

रंग भी लइयो, गुलाल भी लइयो,
गोपी भी लइयो संग, ग्वाल भी लइयो |
मन मिले तो, आ जइयो बरसाने रसिया |
होरी खेले तो, आ जइयो बरसाने रसिया |

भांग भी लइयो बादाम भी लइयो,
कारी मिर्च सौ ग्राम ले अइयो,
भंग छाने तो, आ जइयो बरसाने रसिया |
होरी खेले तो, आ जइयो बरसाने रसिया |

भर भर के पिचकारी मारूं,
पागल हूँ, पागल कर डारूं,
झटका झेले तो, आ जइयो बरसाने रसिया |
होरी खेले तो, आ जइयो बरसाने रसिया |

रसिया को …
रसिया को नारि बनाओ री, रसिया को |
हाँ रे रसिया को, हम्बे रसिया को,
हो नारि बनाओ री रसिया को |
रसिया को नारि बनाओ री, रसिया को |

बिंदी भाल नयन में कजरा,
हाँ वारे रसिया, हो वारे रसिया,
हाँ प्यारे रसिया, हो प्यारे रसिया,
बिंदी भाल नयन में कजरा,
याहे नथ बेसर पहनाओ री, रसिया को |
रसिया को नारि बनाओ री, रसिया को |

कटि लहंगा गल माल कंचुकी,
हाँ वारे रसिया, हो वारे रसिया,
हाँ प्यारे रसिया, होली के रसिया,
कटि लहंगा गल माल कंचुकी,
याहे चुनर शीश चढाओ री याके,
चुनर शीश उढाओ री, रसिया को |
रसिया को नारि बनाओ री, रसिया को |

नारायण करताल बजावें,
हाँ वारे रसिया, हो वारे रसिया,
हाँ प्यारे रसिया, होली के रसिया,
नारायण करताल बजावें,
याहे यशोदा के निकट नचाओ री |
रसिया को नारि बनाओ री, रसिया को |

बोल होरी के रसिया की जय ||